سورت الم نشرح کی فضیلت

سورت الم نشرح کی فضیلت




سورة الم نشرح اکیس بار صبح و شام اول و آخر تین بار درودشریف طالب علم خود پڑھ لے یا ماں پڑھ کر دم کر دے بہت پُرتاثیر چیز ہے جس وقت بچہ پڑھنے بیٹھے تین بار سورة الم نشرح پڑھ لے ،آپ کوئی چیز مطالعہ کر رہے ہیں آپ کہتے ہیں مجھے یاد رہے تین بار سورة الم نشرح پڑھ کے وہ چیز پڑھیں وہ چیز اللہ کے فضل سے یاد رہے گی یا جس وقت وہ موقع ہو گا اللہ پاک وہ یاد دلا دے گا ،حافظے کے لیے، یادداشت کے لیے بچوں کے تعلیمی کیرئیر کے لیے ،بچوں کی تعلیمی ترقی کے لیے ،بچوں کے فیوچر اور مستقبل کے لیے سورة الم نشرح حافظے کو کھول دے، الم نشرح دل کو کھول دے ،لکنت کے لیے اکیس دفعہ یا اکتالیس دفعہ صبح و شام، جن کی زبان اڑتی تھی لکنت تھی اللہ پاک نے ان کی زبان کھول دی۔
الم نشرح دل کی دنیا کھول دے جن کا دل اللہ کی طرف راغب نہ جن کا دل نیکی کی طرف بند ہوتا ہے دل پر ہاتھ رکھ کر 11دفعہ پوری سورة الم نشرح پڑھ لے اللہ دل کی دنیا کھول دیتا ہے ،بعض لوگ قرآن پڑھنا چاہتے ہیں نہیں پڑھ پاتے ،حدیث پڑھنا چاہتے ہیں نہیں پڑھ پاتے کوئی دینی کتاب پڑھنا چاہتے ہیں نہیں پڑھ پاتے یا کوئی سائنس کی کتاب بہت مشکل کتاب پڑھنا چاہتے ہیں نہیں پڑھ پاتے میں نے ان کو بتایا اللہ پاک نے اُ نکے مسئلے حل کر دئیے۔
ٹریفک اگر ہو تو الم نشرح پڑھی جائے تو ٹریفک کے راستے کھل جاتے ہیں اورٹریفک جام ہو اورسچ ہے اگر مشکلات کی ٹریفک ،مسائل کی ٹریفک ،الجھنوں کی ٹریفک ،دشمنوں کی ٹریفک ،حاسدین کی ٹریفک اگر بند ہو گئی ہے اور انہوں نے تیرے راستے بند کر دئیے ہیں بلاک کر دئیے جام کر دئیے سورة الم نشرح پڑھ ،دل کے وال کھل جاتے ہیں پتھریاں نکل جاتی ہیں ،ایک شخص نے کہا کہ میرے گردے میں پتھری بار بار بن جاتی ہے میں نے کہا گردے کی جگہ پہ ہاتھ رکھ کر صبح و شام 11فعہ پڑھ لے،ورنہ ہر نماز کے بعد 11 دفعہ پڑھ لے الم نشرح وہاں ہاتھ رکھ کر پھیردے پتھری نکل جائے گی ان شاء اللہ۔

سورة الم نشرح کے اندر بڑی تاثیر اور بڑی طاقت ہے۔دل کے وال،گردوں کی پتھریاں،پتے کی پتھریاں ،مثاے کی پتھریاں نکل جاتی ہیں جو شخص اس کو یقین طاقت توجہ اور مستقل مزاجی سے پڑھے اللہ اس کے لیے خیرکے دروازے کھول دیتا ہےاللہ رحمت کے دروازے کھول دیتا ہے میں نے بچوں کی کامیابیوں کے لیے بہت بتایا ہے۔
میں نے ایک شخص کو بتایا کہ روزانہ اکیس یا اکتالیس بار سورة الم نشرح تیل پر پڑھ کے تیل سرمیں لگایا کریں اس کی تاثیر بدل جائے۔ا ب اس تیل کو لگا تیرا سر تیرا دماغ تیری آنکھیں تیرا شعورتیرا احساس تیرا ادراک یہ کھلے گا۔الم نشرح کی برکت سے زندگی کے راستے کھلتے ہیں۔
یہ وظائف تسبیحات اور ذکر یہ فاصلے درد سے طے ہوتے ہیں ، یہ چیزیں خلوص سے اندر کے درد سےطے ہوتی ہیں اگر درد نہ تو یہ چیزیں طے نہیں ہوتیں میں سچ کہہ رہا ہوں پہلے مانگنا سیکھیں صبر ایمان حوصلے کے ساتھ ،برداشت حلم کے ساتھ پھر مانگیں اللہ دیتا ہے۔
سورة الم نشرح اور سورة الم ترکیف ﴿سورة الفیل﴾ کا عمل:ہر نماز میں کچھ ایسی سورتیں بھی پڑھ لیا کریں جس کی پہلی رکعت میں سورة الم نشرح اوردوسری رکعت میں سورة الم ترکیف ﴿سورة الفیل﴾ پڑھے گا ناف کے نیچے والے امراض، ناف کے نیچے والے حادثے،ناف کے نیچے والی مشکلات وہ بھی ختم ہوں گی ایک اور عجیب فائدہ ہو گاجو یہ شخص پڑھے گا کبھی اس کاکام اٹکے گا نہیں، وقت میں برکت ہو گی دن میں برکت ہو گی اللہ اس کا ذہن حافظہ برکتیں ساری کھولے گااور جو عمل کرے گا یہ فائدے میں نے ابھی سورة الم نشرح کے بتائے ہیں نماز کے اندر ایک دفعہ پڑھنے سے وہی فائدے ملیں گے۔

اعمال ہمارے مقدر کو بناتے ہیں ہمارے نصیب کو بناتے ہیں۔ان اعمال کو یقین طاقت ،قوت اور بھروسے سے کرنا ہے۔اس یقین کے ساتھ کریں کہ جو عمل میں پڑھ رہا میرے اللہ اور اس کے رسول صلی اللہ علیہ وآلہ وسلم نے جو وعدے فرمائے ہیں بس وہ سارے وعدے سچے ہیں اور حق ہیں اور وہ پورے کے پورے وعدے میرے ساتھ ہیں اور کام ہو رہا ہے۔میں کچھ بھی نہیں ہوں،اس انداز سے پڑھا کہ اس وظیفے کے اندر جو وحی کی طاقت ہے وہ کائنات میں اس وقت صرف میرے پاس ہے اور میں یوں پڑھوں گا اور وحی کی طاقت فوراً اثر کرے گی اور میرے یہ مسائل ٹھیک ہو جائیں گے۔

میرے پاس طاقت ور رب کا طاقت ور نام ہے۔اور میں اللہ کا نام لوں گا اور یوں نام لوں گا اور یوں اللہ میرے ساتھ ہو جائے گابس اللہ کا ساتھ ہونا ہے میرا کام بن جائے گا۔اللہ پہ مان ہو اللہ پہ بھروسہ ہواللہ پہ اعتما د ہو ،اور اللہ پہ یقین ہو۔ میں یہ کررہا اللہ نے اس پر یہ وعدے رکھے ہیں میں یوں کروں گا اللہ کر دے گا۔یہ انداز مومنانہ ہے۔

ایسا یقین لے آئیں یہ سارے جو نوری حروف ہیں نا، جو نوری ہندسے ہیں اور یہ نوری وظیفے ہیں یہ سارے کے سارے ہمارے لیے اللہ کی مدد کو عرشوں سے لے کے فرشوں پہ آئیں گے اس یقین کے ساتھ پڑھنا ہے اس طاقت کے ساتھ اس قوت کے ساتھ پڑھنا ہے جب یہ طاقت قوت اور یقین ملے گا تو اللہ کی مددسامنے آکے کھڑی ہو جائے گی۔ وہ کسی وظیفے اور عمل کی شکل میں ہے اصل چیز تو ہے یقین ،گڑگڑانا ،مانگنا اور اللہ کے سامنے اپنی جھولی پھیلاکے بھکاری بن کے۔

اللہ بڑاکریم ہےتیرے یقین پہ تیرے اعتقاد پہ تیر اعتماد پہ اللہ اپنے غیب کے خزانے سے عطا فرمادیتے ہیں۔اللہ تعالیٰ آپ اور مجھ کو وہ یقین عطا فرمائے جس یقین کے اندر اس نے اپنی مدد ،طاقت قوت کو رکھا ہے جس یقین کے ذریعے ہمیں اللہ کی برکت اور رحمت ملے گی اللہ پاک ہمیں وہ یقین عطا فرمائے آمین


آپکی دعاؤں کا طلبگار